Këshilli i Ministrave në Bosnje e Hercegovinë në mënyrë unanime miratoi “vendimin për dhënien e lejes për hyrjen në Bosnje e Hercegovinë, nën kushte të posaçme, të qytetarëve të Palestinës familjarët e të cilëve janë shtetas të Bosnje e Hercegovinës”, u tha në njoftimin e këtij institucioni.
Në njoftim u tha se 30 persona, që janë të afërm të qytetarëve të Bosnje e Hercegovinës, të cilët janë evakuuar së bashku nga Rripi i Gazës, do të lejohen që të hyjnë në këtë shtet.
“Ministria e Punëve të Jashtme të Bosnje e Hercegovinës do t’ua dërgojë listën e 30 personave Policisë kufitare, në të cilën, përveç të dhënave personale, ka edhe informacione për të afërmit e tyre që janë shtetas të Bosnje e Hercegovinës. Hyrja e tyre do të mundësohet nga Aeroporti Ndërkombëtar i Sarajevës”, u tha në njoftim.
Më herët, autoritetet njoftuan se shteti i Katarit ka ofruar një avion për transportin e shtetasve të Bosnjës dhe familjarëve të tyre të cilët u evakuuan nga Rripi i Gazës. Katari po ashtu do të mbulojë shpenzimet e tyre të fluturimit nga Egjipti për në Bosnje.
Një ditë më herët, Këshilli i Ministrave nuk mori vendim për këtë çështje për shkak të mungesës së kuorumit. Shtetasit e Bosnjës dhe familjarët e tyre u evakuuan nga Rripi i Gazës për në Kajro të Egjiptit.
Më 18 nëntor, ministri i Punëve të Jashtme të Bosnje dhe Hercegovinës, Elmedin Konakoviq, shkroi në Facebook se Bosnja ka arritur të evakuojë të gjithë shtetasit e saj nga Gaza.
Lufta në Gazë nisi më 7 tetor, pasi Hamasi – grupi palestinez i shpallur organizatë terroriste nga Shtetet e Bashkuara dhe Bashkimi Evropian – sulmoi jugun e Izraelit duke vrarë afër 1.200 persona dhe duke rrëmbyer afër 240 të tjerë.
Izraeli u kundërpërgjigj ashpër duke rrethuar Rripin e Gazës – ku jetojnë 2.3 milionë palestinezë – dhe duke sulmuar pareshtur këtë territor. Autoritetet shëndetësore në Gazë kanë thënë se mbi 11.000 palestinezë janë vrarë që kur ka nisur lufta./REL
Lajme të tjera
-
Protestat pro-palestineze mund të ndikojnë në zgjedhjet e nëntorit për Shtëpinë e Bardhë
6 Maj, 15:40 -
Lufta/ Hamasi i thotë ‘po’ marrëveshjes për armëpushim, por Izraeli nuk tërhiqet: Po sulmojmë në Rafah! Propozimi, larg kërkesave tona
6 Maj, 08:42 -
Protestat pro-palestineze në SHBA, studentët largohen nga kampusi i Universitetit të Kalifornisë Jugore
5 Maj, 14:56 -
OKB e shqetësuar: Rindërtimi i Gazës mund të zgjasë 80 vjet
4 Maj, 13:11 -
Lufta në Gaza/ Media: Hamasi drejt lirimit të pengjeve edhe pa ndalimin e sulmeve Izraelite! Katari pranon kërkesën e SHBA për të dëbuar liderët e fraksionit palestinez
4 Maj, 08:57 -
Sot Dita Ndërkombëtare e Lirisë së Shtypit, konflikti në Gaza më vdekjeprurës për gazetarët
3 Maj, 08:35 -
Lufta në Gaza/ Qeveria izraelite konfirmon vdekjen e një pengu, të mbajtur nga Hamasi prej 7 tetorit
3 Maj, 08:30 -
Turqia ndalon tregtinë me Izraelin për shkak të luftës në Gazë
3 Maj, 08:21 -
Përplasje mes protestuesve në Universitetin e Kalifornisë, mbështetësit e Izraelit sulmojnë pro-palestinezët, 15 të plagosur
2 Maj, 08:34 -
Lufta/ Netanyahy i thotë ‘jo’ Blinken: Nuk do të pranojmë marrëveshje për fundin e luftës në Gaza! Përplasje në universitetet amerikane
1 Maj, 08:37 -
Lufta në Gaza/ Aprovohet plani për Rafah, 72 orë vendimtare! Delegacioni i Hamasit largohet nga Kajro, pritet përgjigja për armëpushim
30 Prill, 09:06 -
Lufta/ Bastisje izraelite në Rafah, të paktën 27 të vdekur! Hamasi: Propozimi i armëpushimit është duke u studiuar! Blinken në Arabinë Saudite
29 Prill, 07:33
